Ինչպես իրականացնել հետազոտություն՝ պարզելու, թե որ գնահատականներն են առավել հաճախ հանդիպում ամփոփիչ գրավոր աշխատանքներում
Քայլաշար ուսուցչի և փոխտնօրենի համար
Ուսուցչի համար
Աշակերտների առաջադիմության պատկերի գնահատում․
Կտեղեկանա, թե որ գնահատականն է ամենաշատը հանդիպում։ Օրինակ՝ եթե ավելի հաճախ հանդիպում է 6 կամ 7, կարելի է ենթադրել, որ դասարանի մեծ մասը միջին մակարդակում է։
Դասի դժվարությունների առկայության վերլուծություն․
Եթե MODE-ը ցածր միավոր է (օր.՝ 3 կամ 4), սա կարող է նշանակել, որ նյութը դժվար է ընկելավել աշակերտների կողմից։
Եթե MODE-ը բարձր է (օր.՝ 9 կամ 10), հնարավոր է, որ առաջադրանքը շատ հեշտ է եղել։
Անհատական մոտեցում․
Ուսուցիչը կարող է լրացուցիչ ուշադրություն դարձնել այն աշակերտներին, ովքեր միջին մակարդակին չեն պատկանում, դրանից դուրս են՝ շատ ցածր կամ շատ բարձր միջակայքում են։
Փոխտնօրենի կամ դպրոցի ղեկավարության համար
Դասարանի կամ ուսուցչի աշխատանքի ընդհանուր պատկերի արմարգրում․
Եթե տարբեր թեստերում մշտապես MODE-ը ցածր է, հնարավոր է՝ դասավանդման մեթոդները վերանայելու կարիք կա։
Եթե բարձր է, կարելի է արձանագրել որպես լավ արդյունք։
Տենդենցների հայտնաբերում․
Տարբեր թեստերի արդյունքների համեմատությամբ կարելի է հասկանալ՝ առաջադիմությո՞ւն կա, թե՞ հակառակը՝ նվազում է։
Տվյալների վրա հիմնված որոշումներ․
Արդյունքները կարող են օգտագործվել դասավանդման ծրագրի, լրացուցիչ պարապմունքների կամ գնահատման չափորոշիչների վերաբերյալ որոշումներ կայացնելու համար։
Excel ֆայլում հարկավոր է ներմուծել աշակերտների գնահատականների աղյուսակը։ Ուսուցիչը կարող է հետազոտություն իրականացնել՝ պարզելու, թե ո՞ր գնահատականներն են առավել հաճախ հանդիպում ամփոփիչ գրավոր աշխատանքների կատարման ընթացքում։
Բերենք հետևյալ օրինակը։ Աշակերտները կատարել են երեք ամփոփիչ աշխատանք, որոնց գնահատականները ուսուցիչը ներմուծել է Excel էլեկտրոնային աղյուսակ։
Քայլաշար ուսուցչի և փոխտնօրենների համար
Կից ֆայլը բացել այս հղմամբ։
Տվյալների ուսումնասիրություն։
Առաջին երեք սյունակներում (1-ին թեստ, 2-րդ թեստ, 3-րդ թեստ) գրված են աշակերտների գնահատականները։
MODE բանաձևի կիրառություն։
=MODE(A3:C16) բանաձևը հաշվարկում է ամենահաճախ հանդիպող գնահատականը ամբողջ տվյալների վրա (բոլոր թեստերի գնահատականները միասին)։
Թեստերի առանձին վերլուծության համար։
Եթե ուզում եք տեսնել, թե ո՞ր գնահատականն է ամենահաճախ հանդիպել միայն մեկ թեստում, օգտագործեք․
=MODE(A3:A16) → 1-ին թեստի համար
=MODE(B3:B16) → 2-րդ թեստի համար
=MODE(C3:C16) → 3-րդ թեստի համար
Արդյունքների համեմատություն։
Ստացեք յուրաքանչյուր թեստի առավել հաճախ հանդիպող գնահատականը և գրեք արդյունքները առանձին բջիջներում։
Համեմատեք՝ արդյո՞ք նույն գնահատականն է ամենահաճախ հանդիպում բոլոր թեստերում, թե՞ տարբեր։
Հետազոտական հարցեր։
Ո՞ր գնահատականներն են ամենահաճախ կրկնվողները։
Արդյո՞ք որևէ թեստում աշակերտները ավելի բարձր/ցածր միավորներ են ստացել։
Ինչպիսի՞ միտում է նկատվում գնահատականների հաճախականության մեջ։
Գրաֆիկական ներկայացում (լրացուցիչ):
Կարող եք ստեղծել դիագրամ (Insert → Column Chart) և ցույց տալ, թե ո՞ր գնահատականներն են ավելի հաճախ հանդիպում։
Комментарии
Отправить комментарий